Modelja me origjinë shqiptare, Emina Cunmulaj edhe pse është në muajt e fundit të shtatzënisë na befason çdo ditë e më shumë me elegancën e saj.
Bukuroshja shqiptare njihet si një ndër modelet që mban kontakt të vazhdueshëm me fansat e saj në rrjetet sociale dhe ndan me ta shumë detaje nga jeta e saj private. Ditën e djeshme Emina i ka befasuar të gjithë teksa ka publikuar në Instastory disa video ku shfaqet pa makijazh dhe nuk ka përdorur asnjë filtër.
Ndërkohë që të gjithë përpiqemi që t’i fshehim në maksimum defektet që kemi në pamjen tonë, Emina i ka shfaqur edhe më shumë duke na habitur me veprimin e saj. Aknet e shumta në fytyrën e saj janë mëse të dukshme, por modelja nuk është mjaftuar me kaq, pasi në një moment ka lëshuar flokët dhe na ka treguar edhe flokët e thinjur.
Ndërsa ishim mësuar që ta shikonim gjithmonë të kuruar deri në detaje, me këto video Emina na tregoi se edhe ajo është si të gjithë ne, dhe askush prej nesh nuk duhet të ndihet keq për defektet që ka në pamjen e jashtme.
