Victoria Beckham jemi mësuar ta shikojmë gjithmonë shumë të kuruar. Si një stiliste nuk vihet në dyshim që veshjet e saj do jen gjithmonë “on top”, mirëpo ajo është shfaqur përherë shumë estetike edhe me flokët. Megjithatë duket se kur qëndron në shtëpi, ndryshon gjithçka.
Së fundmi stilistja e njohur është fotografuar rrugëve të Londrës në gjendjen më të thjeshtë të mundshme. Ajo është kapur nga paparaci duke i dhuruar një puthje vajzës së saj, Harper, ndërkohë që ajo largohej për në shkollë.
Por vëmendjen e të gjithëve e ka fituar Victoria që është fotografuar e veshur me streçe dhe bluzë të gjerë e atlete. Ndërkohë që flokët i kishte të kapur topuz, ndërsa në fytyrë nuk kishte pikë make up-i.
Ndërkohë kujtojmë se së fundmi është thënë se familja Beckham ka firmosur një marrëveshje me gjigantin Netflix. Thuhet se ata do të realizojnë një spektakël, i cili do të fokusohet tek jeta dhe karriera e Victorias e David.
