Dita e djeshme shënoi 108 vjetorin e Pavarësisë së Shqipërisë, por 28 Nëntori nuk shënon vetëm festën e Ditës së Flamurit. Çdo herë në këtë muaj, Kosova kujton daljen e parë në skenë të Ushtrisë Çlirimtare të Kosovës, më 28 nëntor të vitit 1997, në fshatin Llaushë të Skenderajt.
Kështu, edhe pse në kushte pandemie si asnjëherë më parë, shqiptarët festuan në mënyra të ndryshme këtë ditë, teksa rrjetet sociale u veshën kuq e zi.
Urime të shumta erdhën nga figura të rëndësishme dhe sigurisht artistë të njohur ndërkombëtarisht. As Stanaj nuk ka harruar të bërë urimin e tij simbolik.
Shqiptari nga Mali i Zi ka postuar në rrjetet sociale një foto ku shihet në një koncert teksa mban në duar flamurin shqiptar. Ai e ka shoqëruar foton me disa emoji zemre dhe asnjë fjalë s’mund të fliste më tepër.
E para që na ngriti zemrat peshë ditën e djeshme ishte Dua Lipa, e cila ka postuar një foto ku shfaqet duke valëvitur në krahë flamurin kuq e zi, ndërsa krahas saj ka shkruar në shqip:
“28 NËNTORI!!! DITA E FLAMURIT!!! Krenare që jam shqiptare! Gëzuar ditën e pavarësisë!”
View this post on Instagram
Pas saj edhe Rita Ora ka postuar dy foto, ku shihet se ka veshur çizme të kuqe me shqiponjë, dhe videon nga koncerti i saj në Kosovë duke kërcyer vallen e Rugovës.
View this post on Instagram
Ndërkohë Gashi, ka postuar një foto nga njëri prej koncerteve të tij ku shihet i veshur me një bluzë të zezë me shqiponjë, teksa ka bërë dhe një batutë, duke shkruar:
Urime 28 Nëntori, dita e Flamurit! Jam shumë krenar që jam shqiptar. I dua të gjitha shqipet e mia… Lutem që një ditë të gjej një vajzë që ta admirojë mënyrën se si bëj flamurin.
View this post on Instagram
Ndërkohë, Bebe Rexha ka dalë të festojë rrugëve të New York së bashku me shqiptarët e tjerë që jetojnë në SHBA.
View this post on Instagram
