Rreth dy vite më parë, Shpëtim Saraçi dhe Mira Konçi u larguan nga Shqipëria për në Shtetet e Bashkuara të Amerikës, për një jetë më të mirë për fëmijët e tyre.
Dhe me sa duket, kompozitori i njohur dhe këngëtarja shqiptare, kanë marrë frytet e para të këtij largimi.
Vajza e tyre, Era Saraçi është diplomuar dhe në ditën më të rëndësishme të saj ka pasur pranë prindërit dhe vëllain, Drin.
Ajo ka publikuar disa foto dhe video nga dita e diplomimit, ku shfaqet me pelerinën e zezë dhe flamurin kuqezi në qafë.
Era u diplomua në Colby College, i cili është një kolegj privat i arteve në Kennebec. Prindërit e saj duken tepër krenarë për arritjen e vajzës së tyre, veçanërisht babi Shpëtim.
Drini gjithashtu i ka hyrë rrugës së muzikës, njësoj si prindërit, dhe madje ka publikuar këngën e tij të parë.
