Mbrëmjen e djeshme në Soiree ishte i ftuar edhe këngëtari shqiptar me famë ndërkombëtare Claydee, i cili ka folur për arritjet e tij më të mëdha gjatë 2020 dhe nuk ka harruar gjithashtu të tregojë projektet e mëdha që do të sjellë së shpejti.
Claydee ka zbuluar që po merret me një reality-show që do publikohet në Netflix. Dhe për këtë reality ai po bashkëpunon me motrat Nora dhe Era Istrefin.
“Kemi një emision me Netflix. Është një gjë që kam kohë që po e punoj, kam katër vite gati. Mblidhemi në një shtëpi, shumë artista bashkë. Vijnë artista nga të gjitha vendet e botës dhe rrimrë të gjithë bashkë. Era Istrefi për shembull ka ardhur, Nora, Arash. Vijnë artista nga Amerika, Rusia etj., dhe punojmë një javë Brenda të mbyllur. Krijojmë këngë edhe bëjmë bashkëpunime. Është një gjë shumë e bukur dhe është si tip reality-show”, është shprehur Claydee.
Ai ka folur për arritjet e tij më të mëdha gjatë 2020 dhe një ndër sukseset e tij është padyshim kënga e tij “How bad do you want it” që u bë kolonë zanore e filmit të famshëm “Fast and Furious” .
Për këtë projekt kaq të rëndësishëm kinematografik, Claydee ka folur në Soiree duke tregur se në fakt ka marrë edhe vlerësimin nga YouTube. “Para një jave më erdhi pllaka e platinit që albumi ka bërë 8 miliardë streams dhe është kënga ime brenda aty dhe jam shumë i lumtur”, është shprehur Claydee. “Sa para janë kaq streams?”, e ka pyetur Jonida Shehu më tej. “Aq para sa të duhet të fillosh që të bësh edhe akoma më shumë gjëra të tjera”, u përgjigj Claydee.
