Dafina Zeqiri sapo na dëshmoi sot se me ish të dashurin mund të qëndrosh shok dhe nuk ka asnjë gjë të keqe.
Nëpërmjet një InstaStory, këngëtarja e njohur tregoi se kishte dalë për kafe së bashku me Dj Geek dhe mikeshën e saj të zemrës Nora Haxha.
Ajo çfarë na tërhoqi vëmendjen, është që tani Dafina e quan ‘mik” ish të dashurin e saj dhe ka harruar gjithçka që ka ndodhur mes tyre.
“Me dy miqtë e mi tek Miqt”, ka shkruar Dafina duke etiketuar Dj Geek dhe Nora Haxhën.
Dyshja ka vetëm pak javë që i ka dhënë fund lidhjes dhe duket se gjërat mes tyre po ecin mirë! Vlen të theksojmë se ata edhe pas ndarjes janë në shoqërinë e njëri-tjetrit gjithmonë dhe kjo për shkak të punës.
Duffy dhe Dj Geek vijojnë ta mbajnë shoqërinë dhe kjo duket edhe nga komentet që i lënë njëri-tjetrit në rrjete sociale.
Kur sqaroi arsyet e ndarjes, këngëtarja tregoi se arriti në një pikë që duhet të zgjidhte mes punës dhe romancës dhe ajo padyshim vendosi për të parën.
Duke shpjeguar arsyet pse i dha fund romancës, Dafina tregoi rëndësinë e shpëtimit të marrëdhënies në ekipin e saj të punës, që për të është si familje.
“Ishte një lidhje e shkurtër e që përfundoi shpejt. Mesa duket nuk shkojnë bashkë edhe puna edhe lidhja romantike. Kështu që vendosa që puna dhe ekipi është më e rëndësishme se lidhja. Mendojmë të mbajmë ekipin sa më të shëndetshëm, sepse ne jemi si një familje. Kështu që u desh t’i jepja fund lidhjes për të shpëtuar lidhjen në ekip, që për ne është më e rëndësishme”, është shprehur këngëtarja.
Edhe Dj Geek ka treguar se vazhdon ta mbështesë Dafinën në çdo projekt të sajin, madje publikon projektet e saj në profilin e tij në Instagram.
