Princ Leka dhe babai i Elia Zaharias, Gjergj Zaharia, kanë denoncuar njëri-tjetrin për dhunë, pas incidentit të djeshëm. Dje pasdite Princi ka vizituar shtëpinë e tij ku jeton Elia me vajzën e tij, për ta takuar këtë të fundit.
Princ Leka është përballur me babain e Elias, ku në dëshminë e tij shpreh se ka qenë ish-vjehrri i tij Gjergj Zaharia që e ka goditur me shkelma dhe e ka gjuajtur me një statujë.
Ndërsa në dëshminë e tij para policëve, Gjergji shprehet se “ai është i moshuar dhe nuk qëndron dot në këmbë, kështu nuk ka mundësi që të dhunojë Princin e cili është 2 metra i gjatë”. Ai e akuzon Lekën se e ka dhunuar dhe e ka fyer me fjalë të rënda.
“Princi ishte i dhunshëm ndaj meje dhe më ka folur me një gjuhë të ashpër. Nuk e kam dhunuar, vetëm jam mbrojtur. Unë jam 70 e ca kusur vjeç dhe nuk qëndroj dot në këmbët e mia, jo më të godas me shkelma princin që është 2 metra i gjatë”, u shpreh Gjergj Zaharia.
