Emina Cunmulaj është rikthyer në Shqipëri, për të vijuar misionin e bamirësisë, duke i ardhur në ndihmë të gjithë personave në nevojë. Supermodelja shoqërohet vetëm nga i vëllai, Bekim Cunmulaj, ndërsa dy vogëlushet e saj, Ella dhe Mia, qëndrojnë në shtëpi!
Por Emina nuk është mësuar të qëndrojë larg për një kohë të gjatë nga dy vajzat e saj, pasi e ka marrë përsipër vetë të kujdeset për to. Në profilin e saj në “Instagram”, ajo ka publikuar një video ku shfaqet Mia dhe Ella duke luajtur me njëra -tjetrën dhe tregon se i mungojnë shumë.
“Ndërkohë zemra ime dhemb! Më mungojnë shumë vajzat e mia” – shkruan modelja.
Emina ka përfituar nga vizita në Tiranë edhe për të eksploruar kryeqytetin shqiptar.
