Rezarta Shkurta prej më shumë se katër vitesh ka hequr dorë nga muzika, për t’u përqëndruar tek biznesi i saj.
Ajo po i përkushtohet 100% atij, dhe jo më larg se 1 javë ajo e zgjeroi edhe në Prishtinë.
Tani ajo ka edhe një shtëpi të re, ku mund të tregojë pasionin e saj për fotografinë dhe të bukurën.
Por ndonëse ajo në rrjetet sociale e pasqyron qartë punën e saj, ka ende persona që dyshojnë në mënyrën se si ajo filloi biznesin fitimprurës.
“Me çfarë lekësh e ke hap kompaninë?”- e pyet një ndjekës në Instagram.
“Një gjë është e sigurtë, jo me lekët e tua. Për të gjithë ata që kanë pyetje tendencioze si e juaja, është e vetmja punë që s’kushton shumë ta hapësh, por ta mbash, dhe për t’u mbajtur, do talent që ta jep vetëm zoti.”- i përgjigjet këngëtarja duke mos lënë më vend për dyshime.
