Aktorja Salma Hayek ka treguar se Harvey Weinstein e ka kërcënuar atë pasi ajo refuzoi të kryente marrëdhënie seksuale me të.
Aktorja hollivudiane ka thënë sesi në 2002-shin, kur punoi me regjisorin dhe producentin në filmin “Frida”, ajo zbuloi se Weinstein nuk ishte njeriu që ajo kishte menduar se ishte.
“Harvey Weinstein ishte një person i pasionuar pas filmit, një njeri që rrezikonte, një mbrojtës i talentit në film, një baba i dashur dhe një përbindësh. Për shumë vite, ai ishte përbindëshi im. Isha e emocionuar që do punoja me të dhe kompaninë e tij. Mendova se ëndrra ime u bë realitet. Ai me kishte dhënë mua një shans, mua që nuk isha askushi, por më kishte thënë “po”.
“Nuk mendoja se do isha unë ajo që do i thosha “jo”. Nuk i hapja derën për orë të tëra gjatë natës, në çdo hotel, në çdo vend ku ai shfaqej papritur. Nuk pranoja të bëja dush me të, të më shihte teksa lahesha apo të më bënte një masazh”, ka shkruar ajo për “New York Times”.
Hayke kishte marrë vesh më vonë se Weinstein nuk pranonte përgjigjen “jo”. Ajo ka treguar me tej se regjisori e mori atë nga ceremonia hapëse e Festivalit të Filmit në Venecia, ku i kërkoi të ishte me të dhe disa modele në një festë private, të cilat më vonë kishte mësuar se ishin prostituta.
Ajo gjithashtu ka zbuluar se ai e ka kërcënuar, duke i thënë:
“Do të vras, mos mendo që nuk mund ta bëj këtë gjë. Ai mori vendimin se nëse unë duhet ta përfundoja filmin, duhet të kryeja marrëdhënie seksuale me një tjetër femër”.
Reagimi i parë i producentit të Hollywood-it, Harvey Weinstein
Producenti i famshëm i filmave, Harvey Weinstein, më në fund theu heshtjen, duke mohuar pretendimet se ai ka ngacmuar seksualisht aktoren Salma Hayek dhe shprehet se nuk e detyroi atë që të bënte një skenë nudo mes lesbikesh për filmin “Frida”.
“Z. Weinstein nuk kujton se ka vendosur nën presion Salma-n për të bërë një skenë seksuale me një tjetër femër dhe ai nuk ishte atje gjatë xhirimeve”, tha përfaqësuesi i tij në një deklaratë të gjatë të enjten.
“Megjithatë, kjo ishte një pjesë e historisë, pasi Frida Kahlo ishte biseksuale dhe skena më e rëndësishme seksuale në film u realizua si koreografi nga znj. Hayek me Geoffrey Rush”.
Deklarata bie në kundërshtim me pohimin e Hayak, duke thënë se Weinstein e përkrahu atë për rolin.
E veçanta e kësaj deklarate mbetet te fakti se ky është kundërshtimi i parë i producentit, pas akuzave të panumërta kundër tij për ngacmim seksual që pas muajit tetor.
