Përvjetorin e 7-të të kompanisë që drejton, biznesmeni shqiptar Elton Ilirjani zgjodhi ta celebrojë me një shërbim fotografik të realizuar nga Fadil Berisha.
Me makeup të plotë; penel, buzëkuq, ton sysh; dhe rruaza perlash nëpër duar, Elton Ilirjani thuajse nuk njihet në fotografinë e publikuar prej tij në Instagram.
Por përveçse një mënyrë për të tërhequr vëmendje mediatike, siç shpjegon vetë Elton Ilirjani, kjo është një mënyrë për të përçuar filozofinë e biznesit që drejton: të pranuarit të diversitetit është sipas tij, çelësi i suksesit.
Jemi mësuar që look-e të tillë t’i shikojmë tek yjet e njohur të makeup-it në Instagram, si James Charles
…apo Jeffree Star.
Sa për ne, mund të themi se është hera e parë që një burrë shqiptar, zgjedh të shfaqet i grimuar në publik thjesht për qejf, pa qenë i detyruar prej ndonjë roli.
Në janar të vitit të kaluar, Elton Ilirjani pranoi publikisht se është homoseksual.
Drejtuesi i nje kompanie ndërmjetësimi mes punonjësve dhe punëdhënësve, foli hapur në “Opinion” për intervistat e punës në të cilat vajzat flirtojnë me të, por ai nuk ndihet i tërhequr prej tyre.
Sot, një vit më vonë, Elton Ilirjani mbetet i vetmi biznesmen shqiptar që e ka pranuar hapur homoseksualitetin.
