Në datën 18 qershor u bë e ditur se aktori i humorit, Florjan Binaj, kishte rezultuar pozitiv me COVID-19, por nuk kishte asnjë simptomë. Ai më pas reagoi duke thënë se do të karantinohet për 14 ditë sipas rregullores, ndërsa paralajmëroi mediat për lajmet dashakeqëse dhe shpifjet.
Në një intervistë për “Open”, Flori tregoi se kishte qenë me pushime në Dhërmi dhe pasi kishte dalë nga deti kishte ndjerë ftohtë dhe një ditë më pas kishte temperaturë. Pasi ishte kthyer në Tiranë kishte bërë tamponin dhe kishte rezultuar me COVID-19.
Aktori tregoi kujdes maksimal dhe pasi tamponi i dytë rezultoi negativ, ai u rikthye në punë për të vazhduar normalisht me jetën e tij.
Mirëpo, periudha kur zbuloi se ishte infektuar me Covid-19 s’ka qenë aspak e lehtë për Florin.
Për “Top Story”, ai ka rrëfyer skena jo dhe aq të këndshme me persona që e pyesnin vazhdimisht për virusin dhe i bënin pyetjet më “idjote”.
“Gjëja që më ka acaruar më shumë kanë qenë pyetjet e njerëzve. Pyetja më idjote ka qenë “ku e more?”. Pyetja tjetër ishte “a na e ke ngjit ti neve?”. Më pyesnin në Instagram sidomos: “Përshëndetje Flori, kam 37 e dy vija, a jam me korona?”. I thoja unë nuk jam tampon, unë jam njeri si gjithë të tjerët.”- ka rrëfyer Flori.
Për më tepër, ndiqni intervistën:
