Liam Hemsworth është burri ideal dhe ka të drejtë të mburret për këtë.
Ndërsa Miley promovon albumin e saj të ri, Liam i shkrep asaj foto të papara për Instagram dhe dreqi e mori, ka sy për fotografi!
Ai publikoi në Instagram tre foto që i ka shkrepur bashkëshortes, si për të na kujtuar se s’para të qëllon që të të bëjë i dashuri foto për Instagram.
“Një uau për djalin fantastik (unë) që shkrepi një foto kaq të paparë”, shkruajti Liam tek njëra foto.
“Do të thoja se ka 48% mundësi të jem fotografi më i mirë në botë”, shkruajti tek tjetra.
Dhe tek fotoja e tretë, ku kanë dalë të dy, Liam është aq i ëmbël sa komplimenton muskujt e barkut të Miley-t:
“Abdominalet si breshkë”
Jo se vetëm ngaqë bën foto, por Liam është me të vërtetë një ëmbëlsirë me Miley-n.
Vetëm muajin e kaluar, në një intervistë për revistën “GQ”, ai tha se do të donte të kishte “10, 15, mbase edhe 20” fëmijë me gruan e tij. Thjesht po presin momentin e duhur.
Ata u martuan në dhjetor, në një ceremoni private.
