Në datën 19 të këtij muaji, këngëtarja Rona Nishliu u bë nënë për herë të parë.
Ajo solli në jetë një vogëlushe të cilën e pagëzoi me emrin e veçantë, Noa.
Edhe pse kanë kaluar pak ditë nga lindja, Rona ka zgjedhur që mëngjesin e sotëm të bëjë publik lajmin e bukur.
Këngëtarja ka publikuar në Instagram një foto ku shfaqet krahas bashkëshortit dhe vajzës së saj.
Krahas fotos ajo i dedikon vogëlushes edhe një shkrim emocionues.
“Ndjenja më përmbushëse dhe me kuptimplotë deri më sot. Më 19.07.2019, në duart tona erdhi Noa. Gjithë këto ditë nuk po gjej fjalët e duhura që të shpreh gëzimin tim për bekimin më të rëndësishëm në jetë. Ju falenderoj të gjithëve për urimet, kujdesin dhe dashurinë”,-shkruan këngëtarja e njohur.
Këngëtarja i dha fund beqarisë vitin që lamë pas, në një ceremoni private dhe në sy ra thjeshtësia e saj.
