Ka kaluar një javë nga dita kur Klodian Rasha u vra nga efektivi i njësisë “Shqiponja”, Nevaldo Hajdaraj. I gjithë vendi është ndezur në protesta të tensionuara këto ditë, mirëpo sot situata ka qenë më e qetë. Në Tiranë janë grumbulluar disa qytetarë dhe artistë të Aleancës për Mbrojtjen e Teatrit, ndërsa në Durrës të rinjtë kanë zgjedhur të protestojnë ndryshe dhe në një formë aspak të zakontë.
Ata u mblodhën fillimisht në sheshin Liria dhe me arkivol ne duar, mbi të cilin kishin ngjitur mesazhe“Kush është tjetri”, “Shpresa” “Dinjiteti i policisë”, dhe u nisën drejt drejtorisë së policisë, ku dhe kishin vendosur për ta lënë. Por marshimi i të rinjve u pre në mes nga policia dhe pesë persona u shoqëruan në komisariat duke ndaluar zhvillimin e mëtejshëm të kësaj proteste.
