Selam Allaraj, pastiçieri shqiptar i cili jeton dhe punon në Venecia të Italisë, në një intervistë për “ABC News” rrëfen historinë e tij dhe suksesin e arritur në botën e kulinarisë. Selami zhvendoset në moshën 20 vjeçare në Itali. Në fillim ka ushtruar punë të ndryshme, derisa në vitin 2012 fillon të punojë si pastiçier në një hotel.
Ai rrëfen historinë e tij, ku përveçëse varfërisë familja ka pasur dhe tragjedi të tjera.
“Në familjen tonë kemi punuar që të vegjël. Jam shkëputur nga shkolla, sepse duhet të punoja. Vëllezërit e mi janë asfiksuar në gjumë në Greqi dhe kjo ishte një tronditje e madhe për familjen time. Kam punuar në Maqedoni një periudhë, pastaj nga Kukësi u transferuam në Tiranë, kam punuar në ndërtim, por prap kishim vështirësi”,- rrëfeu Selami.
Selami tregoi se ka ëndërruar të punonte në pastiçeri që i vogël.
U largova në Itali fillimisht me vizë sezonale. Në 2009 fillova të punoja si kamarier dhe aty fillova të studioja kuzhinën italiane vet. Derisa arrita të ngrihem në karrierë edhe të vlerësohem për punën time. Jam vlerësuar si ndër pastiçierët më të mirë.
Kuksiani më pas i jep një mesazh të gjithëve
Me punë gjithça arrihet dhe asgjë nuk është e pamundur, tregon Selami.
