Një tjetër person u zbulua sot si i implikuar në vrasjen e ish-Bllokut, që ndodhi 4 tetorit e këtij viti. Ndoshta emri Eldi Dizdari nuk ju kujton asgjë, por nëse përmendim emrin e partneres së tij, Suada Sherifit, atëherë me siguri do të bëni menjëherë lidhjen.
Ai është shpallur në kërkim nga policia, pasi dyshohet si personi kyç në ngjarjen me një të vrarë dhe dy të plagosur.
Dizdari mësohet se kërkohet për të dhënë shpjegime, pasi ai është personi që pati një konflikt të fortë me Ervin Matën, partnerin e Elvana Gjatës. Sipas burimeve policore dyshja pati një konflikt mbrëmjen e 4 tetorit jashtë lokalit, rreth 30 minuta para se të ndodhte përplasja me armë.
Shkak i mosmarrëveshjes dyshohet një sasi e konsiderueshme kokaine. Mata nuk i është përgjigjur Dizdarit për këtë ngarkesë dhe mes tyre për sqarim hyri biznesmeni Ervis Martinaj, i cili është edhe një nga dy të plagosurit në lokalin ku ndodhi ngjarja.
Ishte “iconstyle.al” që zbuloi në qershor të 2017-s identitetin e partnerit të ish-Miss-it shqiptar. Suada Sherifi nuk ka pranuar asnjëherë që të tregojë emrin e tij apo edhe pamjen para muajit mars të këtij viti.
“Ne jemi fiks një moshë, por ai më bën të ndihem shumë më e vogël”, tha ajo në një intervistë dy vite më parë.
Eldi Dizdari është gjithashtu babai i vajzës së saj, Deizi, ndërsa një burim për “iconstyle.al” pohoi në atë kohë se i riu udhëtonte shpesh për çështje pune jashtë kufijve shqiptarë.
Nga masakra që ndodhi 2 muaj më parë, mbeti i vrarë 28-vjeçari Fabian Gaxha, ndërsa u plagosën dy të tjerë, Ervis Martinaj dhe Eljon Hato.
Eldi Dizdari njihet dhe me emrin Denis Matoshi dhe njihet si kushëri i afërt me Arbër Çekaj, pronarin e kompanisë së bananeve të arrestuar në Gjermani për trafikun e 613 kg kokainë që u sekuestrua para disa muajsh në Durrës.
Burimi: Iconstyle.al
