Pas kufirit ajror dhe tokësor me autobus me Greqinë, janë mbyllur edhe dy pika kufitare me Malin e Zi, ndërsa do të mbetet e hapur pika e kalimit në Hanin e Hotit, si për vajtje ashtu edhe për ardhje drejt vendit tonë.
Policia Kufitare ka njoftuar se duke filluar nga sot, deri në një urdhër të dytë, do të bllokohet kalimi i shtetasve apo mjeteve në Muriqan e Vermosh për shkak të Koronavirusit.
Ndërkohë, nga nesër mbyllet kufiri me Greqinë!
Njoftimi i plotë:
Policia Kufitare njofton të gjithë qytetarët që duan të kalojnë në drejtim të Malit të Zi, se sipas njoftimit të palës malazeze, duke filluar nga ky moment (ora 21:00 e datës, 13.03.2020) deri në një urdhër të dytë, do të bllokohet lëvizja e shtetasve dhe mjeteve që duan të hyjnë apo të dalin nëpërmjet Pikave të Kalimit Kufitar në Muriqan dhe Vermosh, për arsye të COVID-19.
Kurse në PKK Hani i Hotit do të vazhdojë lëvizja, si në hyrje dhe në dalje, si për shtetasit edhe për mjetet.
Policia Kufitare kërkon mirëkuptimin e qytetarëve që të anullojnë lëvizjet e planifikuara dhe ata që ndodhen duke lëvizur në drejtim të këtyre pikave të kthehen mbrapa, pasi nuk do lejohen të kalojnë.
