Edhe pak orë kanë mbetur që Mbretëria e Bashkuar të dalë zyrtarisht nga Bashkimi Europian, sipas marrëveshjes Brexit të arritur mes palëve.
Dhe ndërkohë që Mbretëria e Bashkuar del nga BE në mesnatë, Autoriteti i Aviacionit Civil në Shqipëri ka dhënë njoftimin e rëndësishëm lidhur me fluturimet, pasagjerët dhe kompanitë ajrore.
AAC bën me dije se “Brexit” nuk do të ndryshojë asgjë në fushën e aviacionit civil.
Të shtunën nis një fazë e re negociatash Bruksel-Londër, ku dy palët do të përcaktojnë marrëdhënien e ardhshme, me qëllim që Londra të jetë pjesë e tregut të përbashkët.
Njoftimi i plotë:
Sot në mesnatë Mbretëria e Bashkuar del përfundimisht nga Bashkimi Evropian.
Sqarohen rë gjithë të interesuarit se asgjë nuk do të ndryshojë në fushën e aviacionit civil për pasagjerët dhe kompanitë ajrore.
Fluturim të mbarë dhe të sigurt të gjithë qytetarëve të dy shteteve që kanë planifikuar të udhëtojnë midis dy kryeqyteteve.
