Mbretëresha bëri paraqitjen e saj të parë publike pas rreth një muaji, pasi u mbërthye nga një i ftohtë për Krishtlindje.
Monarkja 90-vjeçare u shfaq në kishë ditën e djeshme, pasi mungoi në shërbimin e përvitshëm të Krishtlindjeve dhe Vitit të Ri për herë të parë, për shkak të shëndetit.
Mbretëresha Elisabeth, e cila u shfaq me një pallto blu dhe kapelë me të njëjtën ngjyrë, arriti me makinë në Kishën St. Mary Magdalene me Princin Philip.
Ndërsa mbante dorashka të zeza, ajo u pa duke u mbuluar në makinë me batanije blu, pasi u largua nga kisha.
Ndërkohë që një nga ish-truprojat e saj të veshur me uniformë, mësohet së fundmi se është përfshirë dikur në një incident me mbretëreshën. Ajo i është treguar “Times of London” si anekdotë dhe flet për një ish-truprojë të Buckingam Palace.
Mbretëresha Elisabeth vuan nga pagjumësia dhe kur nuk arrin të flejë, tregon e përditshmja angleze, bën shëtitje nëpër kopshtet e pallatit mbretëror. Një darkë, rreth orës 03:00 rrezikoi shumë! Një nga truprojat e saj, në errësirë të plotë, pikasi një lëvizje dhe mendoi se bëhej fjalë për dikë që hynte nga jashtë dhe ishte gati të shkrepte armën. Kur bëri pyetjen klasike “Kush është aty?” kuptoi menjëherë që bëhej fjalë për mbretëreshën!
Burimi: Daily Mail
