Disa ditë më parë, 11-vjeçari Alvin Berisha u lirua nga kampi Al Hol në Siri, ndërsa historia e tij përloti jo vetëm popullin shqiptar, por edhe atë italian.
Tashmë vogëlushi ndodhet pranë familjes së tij në Itali, ku po merr dashurinë e të atit, dy motrave dhe gjyshërve.
Gjithashtu, Alvin do të marrë edhe përkujdes mjekësor, pasi sot është shtruar në spital.
Për shkak të plagëve të marra nga një atentat me bombë në Siri, Alvin ka marrë dëmtime në njërën këmbë, ndaj do t’i nënshtrohet një operacioni.
Alvin është shoqëruar nga i ati për në spitalin e Lecco-s, ku po bën edhe vizitat mjekësore.
Mjekët italianë do t’i bëjnë 11-vjeçarit një ndërhyrje kirurgjikale të specializuar.
Pak ditë më parë, gazetari shqiptar i “La Iene”, Taulant Kopliku, publikoi një foto të Alvinit me look-un e ri dhe të gjithë mbetëm të habitur nga pamja e 11-vjeçarit.
Alvin dukej tërësisht si një njeri tjetër falë përkujdesjes që po merr nga të gjithë dita-ditës.
