E dashura e Lil Wayne i ka dhënë fund lidhjes me reperin, për shkak të mbështetjes së tij publike ndaj Donald Trump në zgjedhjet presidenciale. Reperi 38-vjeçar kishte disa kohë që ishte në një lidhje me modelen Denise Bidot, por përkrahja e tij ndaj Trump i kushtoi shtrenjtë.
“Ajo u nda nga Wayne. Nuk ishte vetëm mbështetja ndaj Trump, por kjo ishte arsyeja më e madhe“, tha një burim pranë çiftit për ”MTO News”. Më tej i njëjti burim ka shtuar se modelja është shokuar kur ka parë reperin duke mbështetur Trump dhe se është ndjerë e zhgënjyer.
“Ndonjëherë dashuria nuk mjafton“, shkroi Bidot në Instagram fundjavën që lamë pas, shoqëruar me meojin enjë zemre të thyer. Çifti i bën edhe unfollow njëri-tjetrit para se modelja të fshinte llogarinë e saj.
Dyshimet e para për lidhjen mes tyre nisën në qershor, kur Denise publikoi një foto duke u larë në një pishinë. Fotografinë e shoqëroi me fjalën: “e tija” dhe me një zemër. Më pas reperi e ripostoi foton në llogarinë e tij me një mbishkrim që lexonte “E gjitha“.
