Kanë mbërritur në Rinas 10 mjekët dhe 20 infermierët të cilët shërbyen në Itali në luftën kundër koronavirusit.
Sipas rregullave ata do të qëndrojnë 14 ditë në karantinë ndërsa në aeroportin Nënë Tereza janë pritur nga ministrja e Shëndetësisë, Ogerta Manasirliu.
“Di që keni bërë një punë të lavdërueshme. Keni lënë mbresa tek stafi mjekësor por edhe tek pacientët. Jam e lumtur që nëpërmjet eksperiencës tuaj keni lënë vend për një faqe mes popullit italian dhe atij shqiptar. Eksperienca që ju keni marrë është e vlefshme për sistemin tonë mjekësor.” ka thënë Manastirliu.
Ministrja nuk përmendi asnjë detaj në lidhje me gjobitjen e 8 mjekëve për shkak se kishin festuar me alkool e këngë, përfundimin me sukses të misionit të tyre në Itali.
Luca Andriani, menaxher i Hotel & Regal Hotel Regal në Brescia, ku mjekët dhe infermierët shqiptarë u gjobitën nga policia lokale mbrëmjen e djeshme, u shpreh se “angazhimi në spital nuk justifikon mungesën totale të korrektësisë dhe respektimit të rregullave”.
