Vajza e vetme e Eli Farës, Marina Fara, para 6 muajsh bëri publike lidhjen e saj me një person identitetin e të cilit preferoi të mos e zbulonte. Mirëpo më vonë mediat rozë zbuluan se bëhej fjalë për një biznesmen nga Shkodra të quajtur Alis Hysa. Gjithashtu u bë e ditur se dyshja ishin njohur nga miq të tyre të përbashkët dhe se Marina ishte prezantuar si “nusja në Shkodër” e familjarëve të Alis.
Por gjërat mes çiftit duket se nuk kanë shkuar aq mirë sa mendohej dhe thuhet se ata i kanë dhënë fund lidhjes së tyre. Ndërkohë që në fillim të këtij viti u raportua se ata ishin fejuar zyrtarisht, “Panorma online” ka mësiar nga miq të dyshes se ata janë ndarë. Sipas këtyre burimeve marrëdhënia e Marinës dhe Alisit është ftohur dhe gjatë “muajit të mjaltit” lidhja e tyre hyri në krizë.
End enuk dihen se cila mund të ketë qenë arsyeja e ndarjes, por këto kohë Marina është shfaqur kudo me nënën e saj dhe miq të tyre të përbashkët. Pak kohë më parë Marina udhëtoi drejt Dubait së bashku me Alisin dhe ata dukeshin shumë të dashuruar.
Madje u përfol se ata të dy kishin nisur përgatitjet për një dasmë tradicionale, që pritej të mbahej në Shkodër. Ndërkohë që nuk ka asnjë infromacion më tepër për ndarjen e papritur, pritet të shohim nëse do të ketë një reagim nga Marina, që është tashmë një figurë publike.
