Rihanna ka “fashion on the brain” dhe këtë gjë sapo na e vërtetoi me spektaklin për prezantimin e linjës së re të veshjeve intime Savage x Fenty. Spektali i jashtëzakonshëm pritet të transmetohet për publikun në 2 tetor dhe Rihanna i ka bërë të gjithë të flasin për të duke publikuar një pjesë shumë të vogël.
Shfaqja e modës është mbajtur në një qendër në Los Angeles dhe në të janë përfshirë disa nga personazhet më të famshëm. Bella Hadid, Cara Delevingne, Normani janë disa nga vajzat VIP që Rihanna i ka përzgjedhur për të prezantuar veshjet në pasarelë.
“Do të jetë një spektakël i mrekullueshëm! Do të kemi nivele krejtësisht ekstreme të përfshirjes dhe njerëzit do të kënaqen duke parë diçka argëtuese në mes të kësaj kohe të zymtë”, ka thënë këngëtarja për “E! News”.
Në promon e shfaqjes së modës Rihanna i ka paralajmëruar të gjithë që të përgatiten për spektakin më seksi dhe të egër që kanë parë ndonjëherë. Me pamjet që ajo ka rezervuar e kuptojmë se ka të drejtë për atë që thotë, ndaj përgatituni për rritje temperaturash nesër!
https://www.instagram.com/p/CFzwOY_HtBu/
