Këngëtarja e mirënjohur shqiptare, Adelina Ismajli, ka marrë një super dhuratë nga bashkëshorti këtë 8 Mars.
Ajo publikoi foto dhe video në InstaStory, ku duket mjaft e lumtur kur mësoi se surpriza që i kishte bërë bashëshorti ishte një makinë luksoze ‘Renault’.
Krahas imazhit të makinës, këngëtarja i ka dedikuar disa fjalë falendërimi atij, ku njëkohësisht i shpreh dashurinë.
“Janë disa momente në jetë kur edhe super llafazent mbyllin gojën. Ti e di që unë materialiste nuk jam e as nuk kam qenë kurre. Nuk e dalloj Porche nga autobusi. Por është dedikimi yt e dashnia që sot e çdo ditë më bën të falenderoj Zotin që jam grua. Faleminderit që më bërë 8 Marsin më të bukur në jetë. Të dua Val Krasniqi.”, ka shkruar Adelina Ismajli.
Adelina Ismajli është ndoshta e vetmja artiste shqiptare që për nga guximi në performancat e saj skenike dhe jo vetëm, e meriton emërtimin “diva”.
Kujtojmë se kur Shqipëria akoma s’e kishte marrë veten nga gjithë informacionet e reja që hynë nga bota pas hapjes së kufijve, Adelina erdhi në festivalin më të rëndësishëm shqiptar, këndoi, doli me të brendshme dhe një tyl të kuq dhe që atëherë, “Zemrën nuk ta fal” nuk na hiqet më nga mendja.
