Jo gjithçka është siç duket për yllin e Tik Tok, Charli D’Amelio, ose të paktën kështu na la ajo të kuptojmë së fundmi teksa foli në lidhje me luftën e saj me shëndetin mendor.
E gjendur në një intervistë përballë Avani Gregg ylli i mediave sociale zbuloi se ajo ka vuajtur nga ankthi para se të vihej në qendër të vëmendjes.
Siç tregoi vetë 16-vjeçarja, gjendja e saj u përkeqësua kur ajo u bë më e famshme. Ajo shpjegoi se pas krizave të panikut bëhet shumë emocionale dhe qan për ditë të tëra.
“Unë kam pasur kriza paniku në klasën e tretë. Është shumë e dhimbshme sa nuk doja të flisja për këtë. Qaj për tre ditë rresht dhe nuk jam më Charli. Unë jam thjesht ky person emocional që nuk funksionon si duhet. Unë nuk jam vetvetja dhe nuk e di se çfarë ndodh, por është aq shumë e vështirë, saqë unë po përpiqem të dal menjëherë, dhe është vërtet e vështirë. Sidomos kur ndiheni sikur të gjithë kanë një mundësi për të thënë ndonjë gjë për ty”.
Sidoqoftë, duket se ylli i Tik Tok është përpjekur të kapërcejë këtë gjë pasi ka kërkuar ndihmë profesionale. Ajo tha se terapia është “duke dhënë ndikimin e saj”.
“Nuk jam e përsosur, por e pranoj veten kështu si jam!” Kështu deklaroi Charli D’Amelio, një vajzë amerikane 16-vjeçare nga shteti i Konektikatit, në “The Tonight Show” me Jimmy Fallon me një buzëqeshje plot vetëbesim në mars të këtij viti.
E pas kësaj “jopërsosmërie” u dashuruam të gjithë dhe sot Charli është nga nga vajzat më të famshme në botë dhe njëkohësisht personi më i ndjekur në TikTok.
Ndonëse është vetëm 16 vjeç, Charli ka arritur mbi 100 milionë ndjekës në këtë aplikacion duke thyer edhe një super rekord, pasi asnjë nuk ka kaq shumë followers në TikTok.
View this post on Instagram
Sigurisht, fama e saj u rrit gjatë pandemisë, pasi izolimi çoi vëmendjen e të gjithëve drejt TikTokut, ku Charli poston video së bashku me motrën e saj Dixie, duke marrë miliarda pëlqime.
Dy motrat tani punojnë me UNICEF-in në një lëvizje kundër dhunës kibernetike. Në listën e të ardhurave të shtatë personave të famshëm në “TikTok”, të publikuar më 7 gusht nga “Forbes”-i, Charli D’Amelio u radhit në vendin e dytë, me të ardhura vjetore prej 4 milionë dollarësh, ndërsa motra e saj Dixie D’Amelio në vendin e tretë me 2.9 milionë dollarë.
Me siguri gjatë këtyre muajve të ardhurat e tyre janë shumëfishuar.
Të dyja motrat ishin pjesë e Hype House, një grup prej 20 TikTokerësh, që punojnë bashkë për të krijuar video virale.
View this post on Instagram
Hype House u themelua nga Lilhuddy, një 17-vjeçar me miliona ndjekës në TikTok. Lilhuddy, emri i vërtetë i të cilit është Chase Hudson, ishte i dashuri i Charli deri para pak kohësh.
Javën që lamë pas Charli dhe familja e saj u vunë në qendër të kritikave, madje numri i followers-ave të saj pësoi luhatje.
Shkak u bë një video, ku morën pjesë prindërit e saj, Marc dhe Heidi, Dixie, dhe James Charles, si i ftuar, dhe shefi i kuzhinës së familjes, Aaron May.
May shpjegon çfarë ka gatuar duke përfshirë edhe një pjatë me kërmij. Në bisedë, duket sikur Charli tallet, ndërsa Dixie provon kërmillin dhe menjëherë vrapon jashtë dhe e nxjerr ushqimin.
Ky veprim është perceptuar sjelljen e tyre si mungesë respekti dhe mosmirënjohje.
View this post on Instagram
