Ylli i ”Galatasaray”, Mauro Icardi duket se e ka harruar ish-gruan e tij Wanda Nara-n dhe thuhet se është në lidhje me një aktore të famshme.
Marrëdhënia e turbullt e ish-sulmuesit të Interit me modelen mori fund pas nëntë vitesh martesë.
Një divorc i ashpër ka nisur, me Icardi-n që e akuzon atë si toksike, por duket se në mes të këtij kaosi të dy kanë gjetur ngushëllim në partnerë të rinj.
Një imazh i argjentinasit së bashku me shokun e skuadrës Lucas Torreira, ka bërë xhiron e rrjetit së fundmi.
Aty Mauro duket i kapur për dore me aktoren turke, Devrim Ozkan.
Devrim është një yll televiziv në vendlindjen e saj, e njohur për rolet e saj në telenovela ‘Vuslat’ dhe ‘Gelsin Hayat Bildigi Gibi’.
Ndërkohë, më herët ishte Wanda e para që e “harroi” Icardi-, pasi u pa duke u puthur me reperin 22-vjeçar L-Gante.
Mirëpo e ftuar në një intervistë, Nara sqaroi njëherë e mirë të gjitha thashethemet mbi këtë ngjarje.
“Nuk ka asgjë mes nesh, ai është një shok pune. Më thirrën për një sesion fotografik me të për një markë veshjesh sportive,”-u shpreh modelja.
Madje biondja ndonëse në proces ndarje me Icardi-n, lëshoi një deklaratë të fuqishme për të.
“E dua akoma dhe do të jem gjithmonë pranë tij. Tani për tani jetoj në Turqi për hir të fëmijëve”.
