Muajin e kaluar mediat e huaja raportuan se këngëtarja Rihanna ishte ndarë nga partneri i saj miliarder, Hassan Jameel, pas një viti së bashku.
Por disa foto të publikuara së fundi dëshmojnë jo vetëm se çifti është rikthyer por dhe se marrëdhënia e tyre është e tensionuar.
Këto fotografi që janë realizuar në Puerto Vallarta, Meksikë, të premten, tregojnë një moment kur këngëtarja zihet keq me të dashurin.
30-vjeçarja duket e inatosur, ndërsa vazhdimisht i drejton gishtin biznesmenin saudit. Rihanna ka veshur një palë bikini në njgyrë të gjelbër që i shkojnë kaq shumë, por në fytyrë i mungon buzëqeshja.
Ndërsa 29-vjeçari Hassan shihet teksa i shpjegon diçka këngëtares dhe bën me gjeste nga vetja, deri në një moment kur çohet dhe largohet.
Në qershor mediat shkruanin se Rihanna thjesht ishte lodhur nga i dashuri.
Një shok i këngëtares tha për “MediaTakeOut”:
‘Ka mbaruar … Rihanna ia theu zemrën. Këtë bën ajo, u thyen zemrat meshkujve. Rihanna u lodh prej tij. Ajo ndonjëherë lodhet nga meshkujt”.
Hassan dhe Rihanna bënë daljen e parë si çift në qershor të vitit 2017, kur u fotografuan në Spanjë.
Rihanna kurrë nuk e kishte konfirmuar publikisht marrëdhënien, por i referohej asaj si një lidhje serioze nëpër intervista.
Hassan-i, 29 vjeç, vjen nga një prej familjeve më të pasura në botë dhe është trashëgimtari i pasurisë së Abdul Latif Jameel.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
