Pak ditë pasi Luana u nis për në Venecia, asaj iu bashkua edhe e motra, Marina.
Motrat kanë postuar foto bashkë gjatë këtyre ditëve, por janë treguar si kahera shumë të rezervuara për të treguar se nuk janë vetëm të dyja.
Me Marinën ka shkuar edhe Getoari, pak ditë pas ditëlindjes së saj.
Gjithashtu, fotot ekskluzive të “Iconstyle” shfaqin për herë të parë pas shumë kohësh Luana Vjollcën bashkë me Krenar Cocajn, partneri dhe menaxheri i saj.
Të katër presin në radhë për të hyrë në një prej ndërtesave turistike të Venecias.
Luana dhe Krenari kanë më tepër se tre vite bashkë, megjithatë janë treguar përherë shumë të kursyer në shfaqjet e veta publike.
I vetmi event publik ku shkuan bashkë ishte dasma e Marinës dhe Getoarit vitin e kaluar.
