Michael B. Jordan u shpall nga revista People si “Mashkulli më seksi për 2020-tën”. Ai rrëzoi nga froni John Legend, i cili bëri një koment epik pas humbjes së titullit. Kur mori titullin u theksua se Michael është beqar, por duket se nuk është më.
Së fundmi Michael është parë me modelen Lori Harvey, që mendohet se është e dashura e tij e re, gjatë një udhëtimi nga Los Angeles për në shtëpinë e tij, Atlanta. Bazuar nga fotot të siguruara nga TMZ ata kanë dalë bashkë nga avioni me veshje gati identike.
Gjatë një interviste për People, pasi u shpall si mashkulli më seksi, aktori tha se ai është beqar dhe ka bërë një listë të gjatë me karakteristikat që duhet të ketë partnerja e tij. Michael u shpreh se personi që duhet të ketë në krahë duhet të kujdeset për zhvillimin e mëtejshëm të lidhjes dhe për shkak se është shumë selektiv ka mbetur beqar.
Ndërkohë e dashura e tij e mundshme, Lori, është 10 vite më e vogël se aktori dhe gjatë këtij viti ka qenë në një marrëdhënie me reperin Future. Ndërkohë më herët modelja është përfolur për një romancë me Sean “Diddy” Combs, madje u tha se ishte fejuar me të, por më pas ishte vetë Lori që i hodhi poshtë thashethemet.
