Ridvan Zykaj është i riu që la të vdekur tetë persona pasditen e së premtes.
24-vjeçari për motive ende të paqarta, qëlloi me breshëri automatiku 8 persona nga dy familje te fisit Zykaj, njofton policia.
Sakaq burime për “Ballkanweb” shprehen se autori i krimit ka qenë i shtruar në spitalin psikiatrik të Vlorës pak kohë më parë, për shkak të problemeve mendore.
Autori pas krimit është larguar ku forca të shumta të Policisë, Renea, Delta Forcë, Fnsh, dhe forcat e Drejtorisë Vendore të Policisë Vlorë janë vënë në ndjekje dhe po krehin zonën për të bërë të mundur kapjen e tij. Policia e Vlorës i bën thirrje të gjithë qytetareve të Vlorës që të jenë të kujdesshëm sepsë ky person është i rrezikshëm, ndërsa kërkon ndihmën e të gjithë atyre që kanë ndonjë informacion për vendndodhjen e tij.
