Është identifikuar autori vetëm 17 vjeç i sulmit me thikë në një klub kërcimi në Angli ngjarje e ndodhur pak ditë më parë, ku humbën jetën tragjikisht tre vajza, shkruajnë mediat vendase. Bëhet fjalë për Axel Rudakubana , i cili hyri në shkollën e kërcimit të hënën e kaluar, ku vrau tre vajzat dhe plagosi pesë fëmijë të tjerë dhe 2 të rritur, përfshirë mësuesen që organizoi seminarin.
Të plagosurit janë shtruar në spital në gjendje kritike, përveç dy fëmijëve të cilët, kanë dalë nga spitali më herët gjatë ditës së sotme. I akuzuari do të mbushë 18 vjeç brenda një jave, gjë që mund të shkaktojë zemërim nëse identiteti i tij nuk zbulohej deri në këtë fazë të hetimeve.
Rudakubana aktualisht ndodhet në paraburgim në një qendër paraburgimi për të rinjtë dhe gjatë gjithë seancës ai është përpjekur të fshihet pas palltos që mbante të veshur. I riu nuk pranoi të fliste dhe do të paraqitet në Gjykatën e Kurorës së Liverpoolit më 25 tetor.
