Një nga këngëtarët më të famshëm dhe më të përfolur nga media rozë është shfaqur në publik me një unazë në gishtin e majtë ndërkohë që po shëtiste me partneren e tij. Paparacët janë gjithmonë në ndjekje të Justin Bieber dhe sigurisht se as detaj nuk ka kaluar pa u fotografuar nga ata.
Në të gjitha mediat po qarkullojnë fotot e këngëtarit me unazën në gisht dhe shkruhet se Justin Bieber mund të jetë martuar fshehurazi.
Por burime pranë çiftit kanë raportuar se kjo mund të ketë qenë një shaka që Justin u ka bërë paparacëve dhe se një martesë nuk është në planet e tij të shpejta. Sipas tyre, Justin dhe Hailey për momentin duan të shijojnë lidhjen dhe dashurinë e tyre.
Në mediat rozë u shkrua gjatë se Justin ishte rilidhur me modelen Hailey Baldwin, por thashethemet morën fund në momentin që ata u shfaqën në publik duke ndarë puthje dhe përqafime të zjarrta, duke na treguar se ishin rikthyer sërish bashkë.
