Rita Ora dhe Taika Waititi janë martuar!
Ata kanë zhvilluar një ceremoni të fshehtë në Londër.
“Ishte një ceremoni vërtet intime dhe super e veçantë për të gjithë të ftuarit. Më të afërmit dhe më të dashurit e tyre mund ta shohin se sa çmendurisht të dashuruar janë.”- raporton ‘The Sun UK’.
Mësohet se këngëtarja tashmë ka ndryshuar emrin e saj- tashmë ajo quhet Rita Waititi-Ora.
Artistja kishte preferuar gjithnjë një dasmë të vogël. Mirëpo burimi për “The Sun UK” zbulon se është planifikuar edhe një tjetër festë, por që do jetë gjigante.
“Është planifikuar edhe një festë e madhe, siç ndodh shpesh me njerëzit e showbiz-it, por mos prisni ta shihni ndonjë ceremoni të bujshme.”
Dyshja janë shumë të dashuruar me njëri tjetrin dhe për pasojë, vendosën që dashurinë e tyre ta kurorëzojnë në martesë.
Ata u lidhën së bashku në maj të vitit 2021 dhe ata shpesh janë fotografuar së bashku.
Nga ana tjetër, Rita gjithnjë ka treguar se është krenare që është shqiptare dhe madje e ka thënë shpesh, ashtu sikurse bëri më herët për një revistë australiane.
“E lindur në një familje të shquar kosovaro-shqiptare në Prishtinë, kryeqyteti i Kosovës tashmë të pavarur, në vitin 1990, Rita Sahatçiu ishte ende foshnjë kur familja – nëna e saj, Vera, babai, Besniku dhe motra, Elena – u larguan nga shtëpia e tyre. Luftërat Ballkanike të dekadës po shpërthyen. Ata kërkuan azil politik në Londër, ku Besniku bleu pijetoren ‘The Queens Arms’ në Kilburn, në Londrën Veriore”, tha ajo.
