E gjithë bota po priste këtë të shtunë për martesën e vitit! Pippa Middleton rrezatonte e gjitha ndërsa u largua nga kisha, si një grua e martuar përkrah bashkëshortit të saj, James Matthews, të shtunën.
Ishte momenti që e gjithë bota po priste dhe Pippa Middleton nuk zhgënjeu, ndërsa ishte veshur me një fustan mahnitës të bardhë nga Giles Deacon për martesën e saj me financierin 41-vjeçar, me të cilin u lidh vitin e kaluar.
33-vjeçarja dukej e lumtur teksa u shfaq me fustanin dantellë të dizajnuesit britanik, mes fansave të të cilit përfshihen Abbey Clancy dhe Kendall Jenner.
Harrojini linjat, këtë vit e gjithë vëmendja me fustanin e saj ishte te krahët e tonifikuar. Mësohet se Pippa kishte nisur prej disa muajsh ushtrimet për të bërë trupin perfekt për ditën e dasmës.
E shoqëruar nga babai i saj, Michael Middleton, Pippa dukej shumë e gëzuar pasi arriti në kishë me një automjet Jaguar Mark V, ku bëri edhe betimet për dashuri të përjetshme.
Motra e saj e madhe Kate, e cila dukej e mrekullueshme me fustanin e dizajnuar nga Alexander McQueen, ndodhej aty për të ndihmuar në rregullimin e fustanit të nuses.
Kjo ishte dita më e rëndësishme e tezes së tyre, por Princi George dhe Princesha Charlotte, arritën të vidhnin vëmendjen nga Pippa, pasi shërbyen si shoqëruesi dhe shoqëruesja e nuses në kishën St Mark, në Berkshire.
James Matthews u pa përpara shërbimit dhe dukej se ishte gati për të kurorëzuar dashurinë me gruan që ndoqi për 10 vite.
Po ashtu dy vëllezërit, Princat Uilliam dhe Harry, u dalluan të veshur me ksotume të njëjtë, ndërsa arritën në kishë pa partneret e tyre, Dukeshën e Kembrixhit dhe Meghan Markle.
Burimi: Daily Mail
