Ylli i “Keeping Up With The Kardashians”, Kourtney Kardashian ishte e ftuar në emisionin e njohur “Jimmy Kimmel Live”, ku ka folur për herë të parë rreth martesës sekrete me Travis Barker në Las vegas.
Gjatë intervistës, Kourtney-t nuk i ka pëlqyer fakti që prezantuesi i programit, Jimmy Kimmel, e cilësoi martesën e tyre si të “rreme”.
Jo vetëm Kimmle, por edhe shumë njerëz në internet i janë referuar martesës së çiftit si e “rreme”, pasi ata ende nuk kanë marrë një licensë martese.
Ajo tha se martesa nuk ishte e tillë, por thjesht e kishin të pamundur të merrnin një certifikatë në atë orë.
“Nuk quhet një martesë e rreme.” tha Kourtney duke treguar se edhe pse nuk ishte zyrtarisht e ligjshme, ajo bëri atë që ndjente me zemrën e saj. “Nuk kishte asnjë mundësi për të marrë një licencë martese në atë orë.”
Ndonëse asnjë nga familja e Kardashian nuk ishte fizikisht në ceremoninë e saj, ata zbuluan se Kris Jenner e dinte që po ndodhte, ndërsa Khloé Kardashian ishte në “FaceTime” me të.
“Unë isha duke fjetur,” pranoi Kim Kardashian. “Ajo e tha në një bisedë në grup: ‘Oh, hej njerëz, meqë ra fjala … u martova mbrëmë!’. Dhe më pas u zgjova me një milion mesazhe.”
