Këngëtari Blero Muharremi dhe partnerja e tij, Afrona Dika, po shijojnë prej vitesh lidhjen e tyre të dashurisë, e cila u kurorëzua me martesë në shtator të vitit që lamë pas.
Në ceremoninë e tyre s’mund të mungonte edhe vajza e Bleros nga martesa e mëparshme, Tara, e cila ka lidhur një marrëdhënie të ngushtë me partneren e re të të atit.
Tara dhe Afrona janë bërë mikesha të mira dhe kalojnë shpesh momente së bashku si familje.
Sot, Blero ka takuar dy femrat e jetës së tij dhe në InstaStory ka ndarë një video të surprizës së bukur që Afrona i ka bërë Tarës.
Afrona i kërkon të voglës të mbyllë sytë, më pas i zgjat dhuratën që ishte një kapuç të cilin Tara duket se mezi po e priste.
Tara është gëzuar pamasë nga dhurata dhe duke buzëqeshur ka përqafuar Afronën, për ta falenderuar për surprizën e bukur.
Blero dhe Afrona u lidhën 6 muaj më parë dhe pas ndarjeve e ribashkimeve të shumta, dashuria e tyre arriti të triumfonte.
Pas dasmës që bëri bujë të madhe në media, çifti e kaloi muajin e mjaltit në Hawaii.
