Make up artisti i njohur me origjinë shqiptare, Mario Dedivanovic ka humbur një njeri të dashur për shkak të pandemisë së koronavirusit.
Lajmin e ka dhënë vetë Mario përmes një postimi në Instagram, ku njofton ndarjen nga jeta të xhaxhait të tij, i cili e ka humbur betejën me virusin COVID-19.
Mario ka publikuar edhe foton e Axhi-t të tij, ndërsa përmes një dedikimi shprehet se do t’i mungojë gjithnjë:
“U prehsh në paqe i ëmbli im Axhi. Të dua ?? Sot ne përcollëm xhaxhain tim të dashur i cili humbi betejën me Covid-19. Do të më mungosh përgjithmonë ♥️”!
Postimi i tij i trishtë është pasuar nga qindra komente ngushëllimesh nga miqtë dhe bashkëpunëtorët e make up artistit shqiptar.
Mario nuk e ka fshehur asnjëherë origjinën e tij dhe e ka treguar se është rritur nga prindër emigrantë shqiptarë në Bronx, New York së bashku me vëllain e tij.
