Në rubrikën “Ka një mesazh për ty” që transmetohet në Tv Klan, ishte i ftuar ditën e sotme babai i një djali me sindromën down. I ati rrëfeu historinë e të birit dhe ndër të tjera u shpreh se Vilsoni, 11 vjeç e pëlqen shumë moderatoren e emisionit të humorit “Klanifornia” dhe për këtë arsye Arditi ia bëri surprizë Vilsonit praninë e bukuroshes së ekranit.
Në momentin që Vilsoni pa Marinën gëzimi i madh shihej qartë në fytyrën e tij, i cili vrapoi për ta përqafuar. Moderatorja e e puthi në faqe, duke i lënë një shenjë me buzëkuq, por 11-vjeçari kërkoi që t’ja fshijë sepse në të kundërt do t’i bëhet xheloze e dashura. Ky veprim i Vilsonit shkaktoi mjaft të qeshura në studio.
Marina Vjollca: Të ta fshi apo do e mbash kujtim?
Vilsoni: Jo.
Ardit Gjebrea: Mos mo ta kishe mbajtur kujtim.
Vilsoni: Jo, jo.
Ardit Gjebrea: Pse ta shikon ndonjë dhe bëhet xheloze?
Vilsoni: Po.
Marina Vjollca: Kush bëhet xheloze more?
Vilsoni: E dashura.
Marina Vjollca: Vilson, nuk jam unë e dashura jote?
Vilsoni: Jo ti ke burrin.
Marina Vjollca: Ku e di ti që kam burrin unë mo?
Vilsoni: Po e di.
Marina Vjollca: E kush është e dashura jote, si e ka emrin?
Vilsoni: Ledi.
Marina Vjollca: Unë po bëhem xheloze.
Vilsoni: Jo, jo mos u bëj.
