Mariana Kondi la sonte përfundimisht garën në “Ferma VIP”. Ky vendim erdhi i papritur prej Marianës e cila ishte duke qëndruar që prej dy ditësh në ishull me Valerin.
Ajo u shpreh se ishte tepër e kënaqur për eksperiencën e saj në këtë format dhe u ndal tek marrëdhënia e saj me Valerin teksa tregoi se ai ritakim ka shërbyer si një sqarim mes saj dhe Valerit.
“Po largohem nga Arameras me një kënaqësi shumë të madhe për dy gjëra: U takova me Valerin, sqaruam shumë gjëra, madje nuk u sqaruam fare, por me gjërat tona, që mirë bëjnë që ndodhin sepse duhet treguar edhe kjo ana tjetër e njeriut të qytetëruar dhe për të kërkuar falje”, tha ajo.
