Keni dalluar ndonjëherë në fytyrën tuaj atë që njihet si “ana e mirë”? Edhe Mariah Carey i beson këtij sekreti bukurie.
Ajo ka treguar se është shumë e vështirë të bindë të gjithë fotografët, sidomos paparacët, që ta fotografojnë vetëm nga ana e djathtë, sepse ajo është ana e saj më e mirë.
Carey ka treguar për “E!Online” se këtë ia ka thënë një grua, e cila i ka bërë make-up-in kur ka qenë në moshën 19-vjeçare. Këngëtarja tregoi se artistja e makijazhit i tha se ana e djathtë ishte ana e saj më e mirë dhe kur të fotografohej ta ruante këtë sekret të vogël për të ngjarë më mirë.
Më pas ajo vetë tha se me kalimin e kohës e ka kuptuar që ana e djathtë ka qenë më e mira, sepse edhe kur ka eksperimentuar me anën e majtë nuk i ka pëlqyer aspak vetja.
“Edhe pse ne mendojmë se dy anët e fytyrës tonë janë simetrike, ato nuk janë. Njëra gjysmë është më e mirë se tjetra dhe këtë mund t’ua thonë artistët e makijazhit që ju keni”, tregon këngëtarja. Cila është ana juaj më e mirë e fytyrës?
Burimi: E!Online
