Ndërsa një ditë më parë u deklarua se arsyeja e ndarjes kishte të bënte me shpenzimet e jashtëzakonshme të këngëtares, ajo tregon një tjetër histori. Sipas saj, ishte diva e muzikës që e la miliarderin, pasi ky i fundit ishte “mendërisht i paqëndrueshëm dhe i dhunshëm”.
James Packer ishte “xheloz” për kërcimtarin dhe koreografin e Mariah Carey-t, Bryan Tanaka. Kështu raporton TMZ pas lajmit dramatik të ndarjes së këngëtares nga i fejuari i saj milioner, pak kohë para martesës. TMZ raportoi se një burim pranë Mariah-s zbuloi tensionet mes milionerit australian dhe balerinit Tanaka, që qershorin e kaluar.
Thuhet se pronari i një rrjeti gjigand kazinosh “u çmend” pasi dyshoi se koreografi dhe balerini i së fejuarës së tij, po e ngacmonte. Gjithçka kulmoi gjatë një shfaqje të Mariah-s në qershor, në të cilën Bryan Tanaka nuk performoi pasi kishte thyer këmbën, por gjithsesi kishte shkuar në prapaskenë. Mesa duket, miliarderit nuk i ka ardhur aspak për shtat një gjë e tillë dhe e ka marrë atë veç në një dhomë, nga e cila janë dëgjuar ulërima të shumta.
Madje “Packer përdori lidhjet e tij me kazinonë për ta ndaluar atë nga “Caesar’s Palace”, ku këngëtarja ka rezidencën. Historia e dashurisë mes këngëtares 46-vjeçare dhe biznesmenit 48-vjeçar erdhi në një fund shumë të ngatërruar dhe dramatik.
Çifti nuk e ka parë njëri-tjetrin mbi një muaj, pas një zënke gjatë pushimeve romantike në Evropë, tha zëdhënësi i saj. Ata patën një debat gjatë pushimeve në jahtin luksoz në Greqi në shtator.
Packer raportohet se bëri diçka shumë të keqe që përfshiu ndërhyrjen e asistentes së Carey-t. Zëdhënësi i këngëtares thotë se shpenzimet e papërballueshme të Carey-t nuk është arsyeja e ndarjes së çiftit.
“Mariah dhe James patën një debat në Greqi dhe nuk e kanë parë njëri-tjetrin që atëherë. Debati nuk lidhej për asnjë dyshim tradhtie ose shpenzim të ekzagjeruar nga ana e këngëtares. Ata po përpiqen ta zgjidhin. Për momentin ata nuk janë të sigurt nëse do të qëndrojnë bashkë. Po diskutojnë për këtë dhe do të dalin me një deklaratë zyrtare bashkë për të ardhmen e tyre”, tha zëdhënësi për ET.
Burimi: TMZ/Daily Mail
