Mariah Carey ka anuluar shumicën e koncerteve të turneut të saj në Amerikën Jugore. Këngëtarja 46-vjeçare, e cila ndodhet në mes të turneut “The Super Sweet Fantasy”, ka shpejguar se për shkak të neglizhencës së promovuesve, i është dashur të anulojë koncertet në Brazil, Argjentinë dhe Chile.
Përmes një postimi të bërë në “Twitter”, këngëtarja e hitit “Hero” ka treguar se ndihet e shkatërruar rreth këtij vendimi të marrë.
“Për të gjithë fansat në Amerikën Jugore, jam shumë e mërzitur që kjo pjesë e turneut tim duhet të anulohet. Faleminderit për emocionet dhe dashurinë. Shpresoj t’ju shoh së shpejti të dashurit e mi”.
Përmes një shkrimi të “E! News”, këngëtarja ka shpjeguar se fansat e saj meritojnë më shumë respekt.
Burimi: Daily Mail
