Marc Jacobs njihet për lidhjen me disa nga celebrities më të rëndësishëm të industrisë për fushatën e tij avangarde të modës.
Dhe modelja e momentit Cara Delevingne udhëheq bashkë me të dashurën e saj St.Vincent në videon për fushatën e vjeshtës.
Duke iu përshtatur gjendjes në një dhomë të errët u jepen dritëhijet përmes një drite neoni, shumë të famshmëve të tjerë, si Missy Elliott, Kendall Jenner, Courtney Love, Marilyn Manson, Susan Sarandon dhe Sissy Spacek.
Cara në veçanti tërheq vëmendjen, ndërsa makijazhi “smokey eyes” jep një ndjenjë më intensive.
Ndërsa ajo kërcen bashkë me muzikën e zbehtë në sfond edhe gjysma e saj tjetër duket sensacionale me një numër të frymëzuar nga periudha Viktoriane, ndërsa ajo struket në dysheme.
Diku tjetër, modelja Kendall sfidon në mënyrën e duhur paraqitjen e saj “gotike”, të kompletuar me flokët e saj me kaçurrela.
Ndërsa disa vendosën që të pozojnë vetëm në një pozicion, të mbuluar me temina dhe pupla dramatike, disa të tjerë u ndjenë më të lirshëm me disa lëvizje kërcimi.
Video është e mbushur me fytyra familjare, ndërsa edhe vetë Marc bën paraqitjen e tij, ndërsa ai tymos cigare.
“Ishte si një udhëtim i filmit të Fellini-t. Genesis P-Orridge ishte nga njëra ana, Susan Sarandon nga ana tjetër dhe të gjithë këto statuja të mrekullueshme përreth. Ishte shumë këndshëm që të ishe në shoqërinë e artistëve të vërtetë dhe veshjeve të bukura”, tha St.Vincent për Billboard. Video u realizua nga regjisori legjendar i videoklipeve, Hype Williams.
*Shfleto galerinë
Burimi: Daily Mail
