Emri i moderatores Jona Spahiu është ndër më të njohurit e të komentuarit në media e rrjete sociale dhe së fundmi ajo ka nisur moderimin e spektaklit të humorit “Kosherja”, bashkë me aktorin Bes Kallaku.
Mesa duket, Jona ka një fans shumë të madh i cili i ka bërë komplimentin më të bukur.
Teksa moderatorja drejtonte programin e humorit, i biri ka bërë një reagim mjaft të veçantë, të cilin Jona e ka ndarë me ndjekësit e saj në InstaStory.
“Mami si borëbardha”, dëgjohet të thotë ai teksa sheh të ëmën në ekran.
Kujtojmë se vite më parë, Jona Spahiu ka humbur babanë e saj dhe gjithmonë ajo ka treguar se ky ka qenë një nga momentet më të vështira të jetës për të. Megjithatë Jona nuk ka preferuar të flasë shumë për këtë ngjarje të hidhur, duke mos preferuar që të fitonte një ndjenjë mëshirë të panevojshme nga publiku.
Së fundmi, moderatorja ka qenë e ftuar në emisionin “E ardhmja është vjazë”, ku ka folur si kurrë më parë për këtë histori dhe ka treguar se të atin e ka humbur kur ka qenë vetëm 18 vjeçe. Jona tregoi se i ati është ndarë nga jeta për shkak të një ishemie të dytë, ndërsa një episod i ngjashëm i kishte ndodhur 2 vite më parë, gjë që nuk e kishte ndaluar të ringrihej dhe të frymëzonte vajzat e tij.
