Princesha Charlotte dje nisi çerdhen dhe në këtë ditë të veçantë të jetës së saj mami Kate është kujdesur që të fiksojë çdo detaj.
Kensigton Palace publikoi dy prej fotove në faqen zyrtare të “Instagram”-it. Charlotte kishte veshur një pallto të kuqe të Amaia Kids që kushtonte 120 paund, këpucë të kuqe Mary Janes, një fjongo të kuqe dhe një çantë shpine Cath Kidston.
“Duka dhe dukesha e Cambridge-it janë shumë të lumtur të ndajnë dy foto të princeshës Charlotte, në Pallatin Kensington, këtë mëngjes. Fotot janë realizuar nga dukesha pak para se princesha Charlotte të nisej për ditën e saj të parë të çerdhes në ‘Willcocks Nursery School’”, shkruhej poshtë fotove në llogarinë e Kensington Palace.
Ndërsa dy vjet më parë familja mbretërore u kujdes të postonte fotot e ëmbla të Princit George në ditën e parë të çerdhes.
Burimi: Daily Mail
