Para pak ditësh djali i Fatma Methasanit dhe Alfio Rrotanit, Noah, festoi 1-vjetorin e lindjes. Mami Fatma ishte e para që e uroi, duke publikuar në rrjete sociale 2 imazhe shumë të veçanta. E para ishte një foto nga dita kur Noah erdhi në jetë dhe një tjetër e shkrepur së fundmi, që dëshmon se sa shumë ka ndryshuar i vogli brenda 1 viti.
“Sot bëjmë 1 vjeç! Noah dhe unë duam të dërgojmë një përqafim të madh për të gjitha mamatë! Është bota e nënave!”, shkroi Fatma për ditëlindjen e Noah përkrah imazheve.
View this post on Instagram
Ndërkohë ditën e sotme, moderatorja ka publikuar një foto të plotë të portretit të tyre familjar.
“Atëherë… si e lamë? Kujt i ngjan Noah?”, ka shkruar Fatma duke etiketuar në postim edhe Alfion.
Ky i fundit nuk ka “guxuar” të përmend emrin e tij dhe në koment ka shkruar: “Sipas meje i ngjan Fatmës”.
Nga ana tjetër si kurrë më parë, ndjekësit kanë qenë të dyzuar. Disa thonë se i ngjan Fatmës, ndërsa të tjerë mendojnë se ka më shumë ngjashmëri me Alfion. Ndërsa pjesa më e madhe shprehen se i vogli ka marrë tiparet më të mira nga mami dhe nga babi.
“Mami Fatmës kur të shoh ty, babi Alfios kur shoh Alfion. Noah një mrekulli që ka marrë nga të dy”, i ka komentuar një ndjekëse Fatmës.
Sipas jush cilit i ngjan më shumë?
