Amber ka vendosur që të ndajë me disa nga banorët e shtëpisë së “Big Brother VIP 4” disa detaje nga jeta e saj personale.
Gjatë një bisede me Rozanën, Arsidën, Jozin dhe Bernardin, ajo tregoi se kur të dalë nga “Big Brother VIP 4” do të përfundojë filmin që ka nisur të bëjë rreth operacioneve që ka bërë.
“Në procesin tim të ndryshimit, unë kam bërë dhe një film që nuk e kam mbaruar akoma. Do ta mbaroj pasi të dal nga këtu. Unë e kam filmuar të gjithë procesin e ndryshimit tim, edhe sallën e operacionit. Jam filmuar në sallë duke bërë narkozën, më kupton”, tha Amber.
‘Kur pashë veten kalon pak kështu si një traumë, kur e shikon veten të ndryshuar. E përjeton pak keq në fillim por pastaj mësohesh. Më duket sikur ka qenë një gjë që tek unë nuk ka ekzistuar, një gjë e tepërt në trupin tim. Nga ana psikologjike ka qenë një proces shumë i vështirë’
Pas vendimit që i ndryshoi jetën, Amber është shprehur se nuk ka kontakte me vëllezërit dhe motrën e saj. Por ajo se shtoi se me mamanë ka marrëdhënie të mira, megjithëse kjo e fundit fillimisht ka qenë e ndikuar nga opinioni i të tjerëve.
‘Problemi im më i madh ka qenë që unë kam përjetuar një dramë shumë të madhe me këtë që bëra, sepse mora një guxim që mendova se nuk do t’i kisha më. Me mamin jam afruar, por ajo kurrë nuk më ka hedhur poshtë, por është ndikuar dhe detyruar nga të tjerët. Pjesa që më dhemb më shumë është që nuk marr një telefonatë në mëngjes nga vëllezërit dhe motrat. Unë jam kujdesur gjithnjë që ta ruaj marrëdhënien.
