Në shtator të vitit 2018, moderatorja Jona Spahiu u bë nënë për herë të parë.
Ajo solli në jetë vogëlushin Raiden, të cilin e shohim shpesh në llogarinë e saj në Instagram.
Tashmë që po qëndron në izolim, i vogli është kryefjala e ditës së saj dhe Jona ka treguar gjithmonë se është një nënë tepër e përkushtuar.
Që prej lindjes, ajo e ka ushqyer të birin me gji, mirëpo pikërisht gjidhënia ka sjellë ndryshime në trupin e saj, më saktësisht tek gjoksi.
Moderatorja ka ripostuar “ankesën” e një mikeshe, e cila tregon se pas ushqyerjes me gji të fëmijës, gjoksi i saj ishte zvogëluar shumë.
“Mund ta shpjegojë dikush pse gjoksi zvogëlohet pas gjidhënies. E kuptoj që bëhet pak më i varur, por pse kam humbur 2 masa që i kisha që para shtatzënisë?”- shkruhet në postim.
Tek fjalët e vajzës gjen veten edhe Jona, e cila pohon se diçka e tillë i ka ndodhur edhe asaj.
Megjithatë, këto shqetësime janë fare të vogla para mrekullisë që ato kanë sjellë në jetë. Mamatë duhet ta kuptojnë më mirë!
